Premiati
6° Concorso Letterario Nazionale Amilcare Solferini 2023
Premiati
2° Concorso Lingua Piemontese
Gipo Farassino 2023
26 Maggio 2024 ore 10
Cuorgnè sala conferenze Trinità (EX CHIESA)
Premiazione 7° Concorso Amilcare Solferini e Gipo Farassino
e da quest'anno il concorso si arricchisce della sezione in inglese e francese
NEUIT D’INVERN
Ven sì tacà ‘l feu ch’a s-ciopëtta,
ven sì, cagnass vej e fedel;
Catlin-a d’antorn an ësgambëtta,
a cerca ‘d ciufene, noi doi.
Ten dur! Difendoma la pel.
A l’erta… taboj!
Da fòra la fiòca a tapissa
la neuit dël sò bianch silensios.
Sta atent! As sent mach una stissa
dla fiòca ch’a slingua, un gosson
ch’a bat an sla tòla doss doss:
A l’é ‘n lacrimon.
La làmpada visca a spatara
na luce dlicà ch’an ësfiora;
un brìvid gradévol am sara
gustand ël piasì d’esse sol,
dëdnans a la fiama ch’a piora,
sti such ‘d veja rol.
Ti ‘t fisse mia crapa lusenta,
mi guardo toa pel camolà,
còs mai veusto ancora ch’an tenta?
Për noi l’é furnì ‘l temp dl’amor;
le cagne e le fiëtte soagnà
l’han d’àutri sfojor.
Mi i cimpo na gossa ‘d barbera,
ch’am visca ‘nt le ven-e ‘n pò ‘d feu,
n’ondà artificial ‘d primavera;
im cario la pipa ben ben
e ‘l cel, s’a l’é nèir, a ven bleu,
lusent e seren.
Ven sì, vej amis. Che neuit bruta!
La gossa cascand bat pì fòrt.
Un’ànima spersa a sangiuta!
Godoma ‘l piasì d’esse soj:
d’antorn an ësgambëtta la mòrt,
A l’erta… taboj!
Amilcare Solferini
